دا بيتنا في المستقبل القريب باذن الله
مدينة اليكس ويست (:
اما الاخبار
يا جماعة المصابين في كارثة الدويقة 17 انتو بتجيبو الارقام دي منين
وبعدين الصراحة الناس هيا اللي غلطانة الست سوزي جابتلهم شقق بدل البيوت اللي كانوا عايشين فيها
بس هما مش وش نعمة يغوروا في داهية بقى احنا مالنا
المهم انا احب اهديلي واهدلكوا القصيدة دي اللي معرفش بتاعة مين :D
عزيزى المواطن بتاع النضال
ياراكب دماغك وغاوى الحلال
نصيحة ياصاحبى بلاش الخيال
وغمض عيونك وربّي العيال
بلاش المناكفة ولايم وعيش
هتتعب معانا وسهمك يطيش
نلفق للاهلك قضية حشيش
وتصبح حكاية و نكتة ومثال
تعالى وهاودنا وعدّي الامور
و عيش فى الطراوة و خش الطابور
لكن لو هتزعل ودمك يفور
هنشهد نهايتك في بحر الرمال
هتصبح حرامى هتصبح امير
هتصبح حرامى و ندل و اجير
ونقدر نلخبط فى اصلك كتيير
وجدك شحاتة هيصبح شحال
هنحلف ان الحبايب شافوك
بتقبض ياخاين و تقتل اخوك
ساعتها مراتك هتلعن ابوك
و تلطم وتنعى احط الرجال
مالكش انت دعوة بايه اللي ضاع
ومين اللى شارى ومين اللي باع
ومين اللى كيّل ومين اللي شال
فحب الحكومة وحب السلام
وعلم ولادك يشدوا الحزام
علشان بكرة هياكلو حمام
وينسوا الاسية و ينسوا الهزال
فلازم ياصاحبي تغمض عنيك
وطنّش علينا نطنش عليك
و اياك تشاور نقطع ايديك
وتصبح مواطن ما يسواش ريال
عزيزى المواطن بتاع النضال
يا راكب دماغك و غاوي الحلال
نصيحة يا صاحبي بلاش الخيال
Falling hearts Here
هناك 3 تعليقات:
شكرا ع النصيحة يا امال بس مننهاش فايدة خلاص
وعلى فكرة انا حاجزة فى المدينة واسعارها مقولكش عليها زى مشرو ابنى بيتك بالظبط الى اتسلم فى مواعيده
ايه دا هنبقى جيران يعني (:
مهي الصورة دي فيلتي في المستقبل بردو
يلا دنيا
معاكيش اتنين جنيه سلف lol
اه هو الموضوع كده طب انا لو عايزةاحجز شقة اعمل ايه اصلى لسه عارفة الموضوع دلوقتى ياريت حد يفدنى
طب انا كنت بفكراتخطب واروح انا وخطيبى البيت بيتك علشان ناخد الشقة من دقوا المزاهرمع محمود سعد التى يقدمها احمد عز بس لو المشكلة لها حل قولولى عليه بدل ما لسه هادور على واحد ونتخطب وكده بقى
إرسال تعليق