الله عليكى يا مصر

امبارح كان يوم ستة اكتوبر اليوم الى انتصرنا فيه بارادة ولاد البلد الجدعان اوى

كان يوم عظيم فى تاريخ مصر يوم توحد فيه المصريون جميعا لطرد عدونا

عايزة اسالكوا سؤال احنا نعرف ايه عن اكتوبر نعرف ايه عن النصر يوميها

مجرد كلام فى كتب ومجرد صور شفناها فى التليفزيون عن الحرب

اتعودنا ان كل سنة ييجى اليوم ده

بس عمرنا حسناه؟

عمرنا حسينا بقيمته بجد وبقيمة الشهدا الى ضحوا بنفسهم عشان البلد

فى التليفزيون لو قلبنا نلاقى برامج التوك شو وهى مستضيفة ابطال

من حرب اكتوبر .

لو قلبنا كمان نلاقى فى قنوات تانية اوبريت لحرب اكتوبر وان لم تخنى الذاكرة

فالاوبريت دا يمكن تانى سنة بتذاع

فى الصحف والجرايد اتنشرت خطبة الريس الى اصبحت عادة سنوية فى حرب اكتوبر

ارجع واقول عمرنا ماحسينا حرب اكتوبر عمرنا ماحسينا قيمة الشهيد الى ضحى بنفسه عشان يحررها

عشان كدة انا جايبة النهاردة زكريات واحد كان عايش ايامها عن حرب اكتوبر

بجد احلى مليون مرة من اى حاجة شفناها عن الحرب

الله يمسيك بالخير يا استاذ محمد .......

دى بعض من زكرياته ايامها

جمال عبد الناصر مات سنة 1970طب و بعدين ؟؟

الراجل كان كل كام يوم بيروح الجبهةكان كل شوية يطمن الناس

و الجيش واحد و سبعين و اتنين و سبعين مظاهرات في الجامعة و المصانع

عايزين نحاربه و السادات ساكت ليه ؟؟كل شوية يقول لنا ده عام الحسم

و ما يعملش حاجةكل شوية يقول لنا كلنا جمال عبد الناصر

البلد كلها بتغلي كل الناس عايزة تحارب

كل يوم نكته جديدة تطلع على السادات و الزبيبة بتاعته

هو الراجل ده هاييجي ايه في عبد الناصر ؟؟

********************************************

ستة أكتوبر 1973 ميلادية10 رمضان 1393 هجرية

كنا أيامها في أول الدراسة تقريبا لسة من كام اسبوع الدراسة ابتدت

كنت في مدرسة اسماعيل القباني الثانوية اللي في ميدان عبده باشا

رجعت على البيت بعد المدرسة صليت الضهر و فتحت الراديو زي العادة

صايم بقى و باحب اسمع إذاعة الشرق الأوسط اللي كانت بتبتدي الساعة اتنين

بيان عسكري جديدعادي .. متعودين على كده قول يا سيدي

قوات اسرائيلية هاجمت الزعفرانة و السخنةيووووه .... تاني .... بيان تاني

قواتنا نجحت في صد الهجوم و سلاح الطيران بيضرب قوات العدوحلو كده

كويس قوياضربوهم ربنا معاكوا يا ولاد زي ما قالت أمي الله يرحمها

************************************

لغاية البيان رقم خمسةكان تقريباً بعد صلاة العصر بشوية

كان بصوت المذيع اللي لا يمكن أنسى صوتها لله يرحمه الأستاذ صبري سلامة

بسم الله الرحمن الرحيم إيه ؟؟؟

أول مرة يعملوهاأول مرة يبتدوا بيان عسكري بالبسملةهو فيه ايه ؟؟

نجحت قواتنا في اقتحام قناة السويس على طول القناةو اقتحمت خط بارليف

و ارتفع العلم المصري على الضفة الشرقية للقناة

إيه ؟؟

مين ؟؟

إزاي ؟؟

بابا كان نايم بعد ما جه من الشغل صحيناه فتحنا التليفزيون و الراديو على آخره

التاس كلها في الشارع مش مصدقة اللي بيحصل

انت سمعت الراديو يابو فلان ؟؟طب و بعدين ده بيقول لك على طول القناة

يعني حوالي 160 كيلو تقريباكل المسافة دي الجيش المصري عدى فيها القناةطب ازاي ؟؟

بابا قال لنا ده تلاقيه هجص زي أيام سبعة و ستين

لما كانوا كل شوية يقولوا أسقطنا سبعين طائرة

طب هات لنا لندن يا حمادة

هنا لندن القسم العربي بهيئة الإذاعة البريطانية

دول بيقولوا نفس الكلام

و المراسل من تل أبيب بيقول نفس الكلاممش ممكن ؟؟

يبقى الكلام بجد و لا إيه ؟؟

يا فرحتي

يا فرحة مصر كلها

***************************************

الله ايه الجمال ده انا محستش حرب اكتوبر الا لما قريت حكاوى استاذ محمد عنها

عارفين انا اتمنيت ايه

قولت

ياريتنى كنت ايامهم ياريتنى عشت وسط الناس الطيبين دول

الى كانوا بيحبوا مصر من غير نفاق ومن غير اى مصلحة

ودق جرس الهاتف

دق جرس الهاتف جريت مسرعة على غير عادتي

اشعر بان الهاتف يدق في قلبي يخبرني ان عزيزا علي يتصل
-ألو

-أمال؟

-ايوة

-عارفة مين بيكلمك؟

-طبعااااااااا كنت لسه بفكر فيك

كان صوته يعيد علي ذكريات من أحلى ايام حياتي

وددت الا تنتهي المكالمة
تمنيت ان اقول له اشتاق إليك بشدة وبجنون

اشتاق إلى لحظات لقائنا

اشتاق إلى كل مكان جمعنا معا

اشتاق إلى كل لحظة من هذه الايام الغابرة

اشتاق إليك لا ادري لم شعرت بشوقي إليك فجأة

ربما لانك من تبقى من عالمي الفاني

ربما لانك الوحيد الذي لم تتشوه صورته بداخلي ممن عرفتهم في زمان مضى

ربما لانك الوحيد الذي لا اذكر له ذكري واحدة تشينه

ربما لان كل شيء تغير وانا تغيرت ولكنك تبقى كما أنت

كل عيد يدق الهاتف في قلبي

نعم هاتف كل عام لا يكفي

نعم احتاج ان اراك لاستعيد احلى ذكريات حياتي

نعم لا يكفي فقط سماع صوتك فانا اشتاق ايضا إلى رؤياك
لكنه الممكن في هذا العالم الجديد فعالمنا الماضي محته رياح النسيان

ربما ما تبقى قليل لكنه ما يبقيني على قيد الحياة في عالم لا اعرف فيه نفسي
وانتشلني صوته من خواطري

-بابا موجود

-ايوة يا عمو موجود مع حضرتك

انه كان يوما مثل ابي

حقا اشتاق لرؤيته مثلما كنت اشتاق لصوته

الفرخة باضت
القاهرة منتصف 1975أنا النهاردة عند عمي في بير حمص، اللي هي من شارع الجيش، مفيش حد في البيت غير أنا وماما بطة مرات عمي، ماما بطة دي أطيب واحدة في الدنيا، بتربي فراخ في المنور وأنا بحب أتفرج ع الفراخ، ماما بطة مش بترمي أكل في الزبالة، عشان حرام، الرز الزيادة والعيش، إحنا بنرميه للفراخ، وبعدين الفراخ تكبر وتبيض، وناخد البيض بتاع الفراخ، وكمان عمرنا عند عمي ماشرينا فراخ من برةبيت عمي انضف بيت في الدنيا كل حاجة فيه في مكانها، الشوكة، السكينة، ومفيش عندهم طبلية، لازم ناكل على السفرة، وكمان ما نرميش اي حاجة، عشان هي بيكون ليها لازمة، بس مش بنحوش كراكيب عشان بتجيب حشرات، الحاجة تتنضف وتتشال، بس لازم تبقى نضيفة، حتى الهدوم القديمة، مش بتترمي، علشان بنقصصها، ونعملها كورارية كبيرة ونوديها لعم طه يعملها سجادة، كلها ألوان، انا باعمل كورارية كمان، وكمان عشان الفراخ تفضل نضيفة في العشة، كل يومين نجيب نشارة من ورشة النجار اللي برة في الحارة اللي عنده مكنة نشارة، انا بجيب النشارة الناعمة أوي، ونحطها للفراخ والفراخ بقى تعمل الحمام عليها، وعم سيد الزبال يقول ما ترموش النشارة بتاعت الفراخ وخلوها لوحدها عشان بياخدوها يحطوها عند الزرع، عشان يبقى الزرع جامد، وبعدين ناكل الزرع، واللي يفضل نرميه للفراخ، وبعدين الفراخ تبيض ..ييه دايرة وتلف.أنا بآخد معايا طارق صاحبي اللي عند عمي، ده بقى صاحبي أوي، وبنقول كل الأسرار لبعضيقعد يقولي اتغدوا ايه امبارحوانا اقوله اتغديت ايه امبارحبس نتفق إن السر في بيرطااااااااااااااااااارررررقيا ويكا يا ويكايا أآيأ يا أآيأ يا أآيأعايز ايهانزل معايا نجيب نشارة من مكنة الخشبمعاك شوال؟آه شوالين انت تشيل واحد وانا واحدما أكملش الكلام إلا وهو شادد مني الشوال بتاعه، وجري على مكنة الخشبعاوزين نأجر عجل بالليلالساعة بقت بشلنناخد ساعة ونروح على شارع الجيش، لغاية ميدان الجيش، وندخل الحسينية، وهناك نجيب سندوتشين بطاطس، ونطلع من هناك على باب الفتوح، وندخل على مدرسة السلحداردي مش مدرسة السلحدار، ده جامع الأنور، وابويا كان بيقولي أسمه جامع الحاكم بأمر الله.جامع إيه يا عبيط، والله العظيم مدرسة السلحداروصلنا مكنة الخشب، عبينا الشوالين، وراجعين على الحارة تاني وهوببببببااااااااااااااااااااااااااالناس بتجري من كل حتة، ايه ده الرجالة طالعة والدم سايح على وشها، وعلى جسمها، والنسوان كلها بتصوت،حاسب يا طارق

طب هاه اكمل الحكاية ولا لاه ياريت اعرف رايكم على فكرة مش انا الى كتبتها بس عجبتنى اوى قولت انقلها لمدونة بتاعتنا هنا لانى فيها حاجات جميلة وقصص حلوة

عادى .....منظر

دى كانت اجابة اختى لما سالتها "انتى عايزة تشترى موبايل ليه"
هذه الاجابة الوافية المستوفيه للمواصفات
_بجد بقت حاجة عجيبة الناس بقت تشترى موبايلات لمجرد المنظرة بيها
او بالبلدى عشانها قيمة وسيما
يعنى هما استفادوا بايه لما اشتروها لا قلل من قيمتهم ولا زودوها
_واحدعنده تسع سنين يمسك موبايل ليه فهمونى؟
_طيب واحدة غلبانة وفقيرة تشترى موبايل ليه؟
طالما معاها فلوس تشترى بيه حاجة تنفعها احسن
_بقى دلوقتى تفكيرنا فى اننا نشترى سلعة اى سلعة مش عشان قيمتها
او هى هتفيدنا بايه لا لمجرد انها هتخلى منظرنا شيك
وانها جاية من برة حتى لو مش هنستفيد بيها
_دلوقتى الانسان بقى بيتقيم من ناحية الماديات
على راى المثل الى بيقول "اللى معاهوش ميلزموش"
اهم حاجة فى مركز الانسان وقيمته انه معاه موبايل وعنده عربية وعنده شقة تمليك
الانسان اللى عايز الناس تحترمه لازم يبقى بالشكل ده
اما الانسان المثقف واللى بيحاول يبنى نفسه او يوصل للناس فكرة
طالما فقير يبقى انسان مهمل فى زاوية على جنب

ليه الناس بقت بتفكر بالاسلوب ده؟
ليه بقى كل تفكيرها فى الماديات والمظاهر؟
ليه بقت قيمة الانسان فى التراب لو هو مش معاه فلوس وامكانيات؟

الحب

الحب حاجة جميلة اوي وكبيرة اوي فعلا حاجة تستاهل اننا نضحي عشانها ونعيش عشانها ونموت عشانها كمان

الحب هو الدنيا والحياة بكل ما فيها ومن فيها الحب هو المعنى الوحيد اللي بيحسه الناس بنفس الطريقة وبيحسه كل انسان مهما كان مستوى ذكاءه او مستواه الاجتماعي او قربه او بعده عن ربنا او اي حاجة تانية

الحب المعنى الوحيد المطلق اللي لا تحده اي حدودالحب فعلا حاجة تستاهل الموت

لكن اي حب؟

قرأت امبارح قصة بنت توفت في حادثة عربية عشان اتصدمت صدمة جامدة في الانسان اللي حبته

وضحت بحاجات كتيرة عشانه وهو نفسه اللي سابها بعد خطوبة دامت 10ايام بس!!
وكلنا كل يوم بنسمع قصص عجيبة في الحب اللي تعارض اهلها وتعقهم عشان الانسان اللي بتحبه

واللي يسيب بيته عشان باباه مش موافق انه يتزوج من فلانة اللي هيموت عليها

واللي مش لاقي نفسه لانه لسه محبش لحد دلوقتي

واللي تايه من بعد ما اللي بيحبه سابه وخانه وحب غيره

واللي فقدت الثقة في الناس كلها عشان واحد ضحك عليها واوهمها انه بيحبها وطلع في الاخر بيتسلى

والولد اللي فقد الثقة في البنات كلهم عشان بنت طلعت بتلعب بيه وبتخدعه

والناس الكتير اللي ضاع عمرهم ورا سراب كبير اسمه حب
اه الحب مهم وفعلا الزواج لازم يكون فيه حب ومينفعش حد يرتبط بحد مش بيحبه
دا انا بتكلم بس عن اللي بيحب وبيراعي ربنا في حبه ومش بيعصيه لان الحب اللي بيجيب معاصي مفيش فايدة من الكلام عنه
النوع دا من الحب مش كل حاجة النوع دا شارع صغير اوي من عالم الحب

في حب اكبر حب يجلب سعادة لصاحبه ويوفقه لاختيار زوج صالح وتكوين اسرة صالحة

حب هو الحب كله وبيعلم الحب كله
حب الله-سبحانه وتعالى-
رسالة إلى كل واحد ضيع ايام وشهور وسنين من عمره بيدور على حب في مكان غير مكانه الصحيح
احب الله يحبك الله

طيب انا عايزة اعرف حاجة

في سعادة في الدنيا دي تكون اكبر من سعادة انسان بيحب ربنا اوي وربنا بيحبه؟

{ قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين }

"ومن الناس من يتخذ من دون الله أنداداً يحبونهم كحب الله والذين آمنوا أشد حباً لله ولو يرى الذين ظلموا _ أي ظلموا أنفسهم بالكفر والشرك _ إذ يرون العذاب أن القوة لله جميعاً وأن الله شديد العذاب"

وقال احد الصالحين :

"مساكين اهل الدنيا خرجوا منها وما زاقوا اطيب ما فيها قيل وما أطيب ما فيها؟

قال حلاوة الأنس بالله"

اللهم اني اسألك حبك وحب من أحبك وحب عمل يقربني إلى حبك

نجم

هتعمل ايه لو نمت يوم وصحيت بصيت....وشفت نفسك فى المراية بكيت

جواك سؤال تصرخ تقول انا مين انا مين انا زى مانا ولا اتقسمت اتنين

و بعدين

بعدين قول يالى فى المرايا فهمنى ايه الحكاية

فرحان تعبان مرتاح ندماان حاجات كتير فى حياتنا اتسببت فى حيرتنا

اتسببت فى حيرتنا واديناعايشين راضين

على خلفية الاغنية دى الى مالهاش حل دعبست شويفة عل

فيس بوك لحد ماوصلت لجروب لاحمد فؤاد نجم

ومنها قمت باولى زياراتى لمدونة احمد فؤاد نجم اسمها "مكنة الفاجومى"

والفاجومى لمن لايعرف_وانا اصلا مكنتش اعرف بردو_

هو شخص نقده لازع بهجوم ولا يهمه شئ

بجد المدونة مالهاش حل جميلة اوى

دى بعض حاجات منها

صباح الخير على الورد اللى فتح فى جناين مصر
صباح الخير علي الورد اللي فتح في جناين مصر/

صباح العندليب يشدي بألحان السبوع يا مصر/

صباح الدايه واللفه ورش الملح في الزفه

/ صباح يطلع بأعلامنا من القلعه لباب النصر/

سلامتك يامه يا مهره يا حباله/ يا ولاده/

يا ست الكل يا طاهره/ سلامتك من آلام الحيض/

من الحرمان/ من القهره/ سلامة نهدك المرضع/

سلامة بطنك الخضرا/ هناكي وفرحة الوالدة/

تضمي الولد يا والده/ يصونهم لك ويحميهم/

يكترهم/ يخليهم/ يجمع شملهم بيكي/ يتمم فرحتك بيهم/

صباح الخير علي ولادك/ صباح الياسمين والفل/

تعيشي ويفنوا حسادك/ ويسقوهم كاسات الذل/

وبلغ يا سمير غطاس/ يا ضيف المعتقل سنوي/

بصوتك دا اللي كله نحاس/ صباح الخير على الثانوي

/ وأهلا بيكو في القلعه/ وباللي في الطريق جايين/

ما دامت مصر ولاده/ وفيها الطلق والعاده

/ حتفضل شمسها طالعه/ برغم القلعه والزنازين

اعذرونى ان كانت قديمة شوية فده من جهلى انا

طيب اقروا دى كدة

اسكندرية
يا اسكندريه

بحرك عجايب

ياريت ينوبني م الحب نايب

تحدفني موجه

على صدر موجه

والبحرهوجه

والصيد مطايب

أغسل هدومي

وأنشر همومى

على شمسه طالعه

وأنا فيها دايب

كأني فلاح في جيش عرابي

مات ع الطوابي

وراح في بحرك

كأني نسمه فوق الروابي

م البحر جايه

تغرق في سحرك

كأني كلمه من عقل بير م

كأني غنوه من قلب سيد

كأني جوا المظاهره طالب

هتف باسمك

ومات معيد

كأني صوت النديم

في ليلك

بيصحي ناسك

يشدوا حيلك

كأني طوبه من بيت في حاره

كأني دمعه

في عيون سهارى

كأني نجمه فوق الفنار

هتهدي الحيارى

والبدر غاي

بيا اسكندريه

يامصراويه

على سن باسم

على ضحكه هاله

البحر

شباك ومشربيه

وانتي الاميره

ع الدنيا طاله

يا اسكندريه عاشق

وبدوي

ارتاح في حضنك

والود ودي

يكون كلامي

عربون غرامي

وبالمحبه

ناخد وندي

يا اسكندريه فيكي الغلابه

ع الرزق يسعوا ولايناموش

صبح صباحهم

رجع مساهم

وزاد شقاهم

ومارتاحوش

يا عيني ع اللي الزمان تعبهم

وضاع تعبهم

ومالتقوش

نزل شبكهم

في بحر طامي

طلع شبكهم

على فاشوش

وفيكي بين البشر

دياب

وفيكي فوق البشر

وحوش

وفيكي ناس مغرمين صبابه

لو خان زمانهم

مابيخونوش

وفيكي خمر ي

سلمت امري

ما اقدرش اشوفه

وما انيلوش

سمك يا بني يا اسكندراني

في العشق واحد

مالكش تاني

سمك يابني يا اسكندراني

في الحسن ساحر ومعجباني

سمك يابني

والعشـق غيه

تبدأ بنظره

تبقى ملاغيه

وكل عاشق وله بهيه

وكل شاعر وله اغاني

وأنا اللي عشق الصبايا كاري

أعشق وأغني ما اقدرش اداري

واي نظره بتجيب قراري

وايشحال عيونك

يا الاسمراني

يااااااااااه ايه الجمال ده

طيب شوف كمان بيقول ايه

الحمد لله خبطنا

تحت بطاطنا

يا محلا رجعه ظباطنا

من خط النار

يا اهل مصر المحميه

بالحراميه

الفول كتير والطعميه

والبر عمار

والعيشه معدن واهي ماشيه

اخر اشيا

مادام جنابه والحاشيه

بكروش وكتار

ح تقول لى سينا وما سينا شي

ما تدوشناشي

ما ستميت اوتوبيس ماشى

شاحنين انفار

ايه يعني لما يموت مليون

او كل الكون

العمر اصلا مش مضمون

والناس اعمار

الحمدلله وأهي

ظاطت

والبيه حاطط

في كل حته

مدير ظابط

وإن شالله

حمار

ايه يعني فى العقبه جرينا

ولا ف سينا

هى الهزيمه تنسينا

اننا احرار

ايه يعني شعب ف ليل ذلةضايع

كله دا كفاية بس اما تقول له

احنا الثوار

والحمد الله ولا حولا

مصر الدوله

غرقانة فى الكدب علاولة

ولهوالشعب احتار

وكفايه اسيادنا البعدا

عايشين سعدا

بفضل ناس تملا المعده

وتقول اشعار

اشعار تمجد وتماين

حتى الخاين

وان شا الله يخربها مداين

عبد الجبار

اخر حاجة بقى عايزة اوراهالكوا الكلام الى زى الفل ده

قالوا يا جحا بيت أبوك بيقع قال أما الحق أخد لي طوبة.

كام مصري دلوقتي بيشتغلوا بالمنطق ده؟

اللي بيطول حاجة بيخطفها و اللي بيخطفوا كتير قوي و يهربوا كمان,

و إحنا لسه بنلاقي العيش, هي دي مصر.

شوفوا صلاح جاهين "بحبها و هي مالكة الأرض شرق و غرب و أحبها

و هي مرمية جريحة حرب" احنا دلوقتي مرمية جريحة حرب مصر

دلوقتي مرمية جريحة حرب الله يرحمك يا صلاح ..

العاصمة دي هي اللي انخبل بيها السلطان سليم الأول

اللي قال "هذا الجمال يليق بعاصمة"

و لذلك سرقوا كل التحف و بعض المعمار من مصر

نقلوه للأستانة و خدوا الصنايعية المصريين

اللي عملوا القاهرة المملوكية و جيه إسماعيل باشا

عمل القاهرة و الأوبرا هنا و زي ما قولتلكم

نقل مصر نقلة نوعية بعد ما محمد علي عمل القناطر,

أنا سألت مهندس ري و قالي القناطر دي تعتبر اكبر

مشروع في القرن التاسع عشر و أنها طفرة

نوعية في الزراعة مش ده كان في مصر

و لا فين هو أنا بحبها من شوية؟

كل ما امشي اتكعبل في بستان

ما احبهاش ليه بقى؟ علشان أنضحك

علينا شوية و نعسنا شوية خلاص حنيأس

, طيب لو راح الجيل ده حيصحى اللي بعده .

. أيه رأيكوا بقى؟ البلد دي ماشية ع الحال ده من

سنين و اللي يحترم نفسه بيستني في قلوب الناس

شوفوا كدة ابهاتنا او اى راجل ماشى فى الشارع وحبه للبلد والراجل ده ,

عنده ييجى ميت سنة ولسه عنده امل

يمكن اكون طولت عليكو شوية بس بجد انا بحس مصر اوى

لما اقراا حاجة للراجل ده

فيه لسة امل

وعلمه....وصلت

خيركم من تعلم القرأن و علّمه..

"هكذا تعلمنا من ربنا ..و هكذا صار منهجنا "

حين تجد ان بأمكانك فتح طريق للاخرين ..حين تجد ان لديك بعض الخبرة فى مجال ما ... حين تجد ان هناك من الكوادر الصحفية من يريد ان يصنع كوادر اخرى صغيرة .. حينما تتوفر النية للاصلاح و العزيمة على الانجاز ..

حينما تطلب من الله ان يهبك عملا صالحا يقربك اليه ..كانت البداية ..

تفتح طريقا امام كل من اراد الصحافة لنفسه مهنة تمنحك تدريب على كافة فنون الصحافة و حقوق الانسان مجانا

و تمنحك ايضا شهادة معتمدة من مركز الاندلس لدراسات التسامح و مناهضة العنف وعلّمه

فريق تدريب اعلامى يستعين بخبرات صحفية رائدة امثال:-

*استاذ طارق التهامى رئيس القسم السياسى فى الوفد"

*استاذة سهير عثمان (استاذ مساعد فى كلية الاعلام .. ورئيس صفحة علوم وتكنولوجيا فى موقع محيط)

*و اخرون (مفاجأة )

هى قصة نسجنا احلامنا فيها خيطا خيطا .. كتبنا بدايتها و لكم انتم حبكتها و احداثها ..و علمه تتكفل بتدريب 35 ممن يرغبون فى الدورة الواحدة بأسبقية الحجز .

اللي عايز يحجز يا جماعة يبعت ايميل لينا على الميل الموجود في البلوج دا تمام

فيه اسمه ورقم تليفونه .

التوكل

عن طلق بن حبيب قال : جاء رجل إلى أبى الدرداء فقال: يا أبا الدرداء قد أحترق بيتك

فقال : ما احترق . قال الرجل: لقد أحترق بيتك . قال أبو الدرداء ما احترق

فرجع الرجل ونظر فوجده لم يحترق فقال أبو الدرداء : لم يكن الله ليفعل ذلك بكلمات سمعتهن من رسول الله من قالها أول نهاره لم تصبه مصيبة حتى يمسى ومن قالها أخر نهاره لم تصبه مصيبة حتى يصبح

( اللهم انت ربي لا إله إلا أنت عليك توكلت وأنت رب العرش العظيم ما شاء الله كان وما لم يشأ لم يكن لا حول ولا قوة إلا بالله العلى العظيم اعلم أن الله على كل شيء قدير وأن الله قد أحاط بكل شيء علما ًاللهم إنى أعوذ بك من شر نفسي ومن شر كل دابة أنت اخذ بناصيتها إن ربي على صراط مستقيم. )

في فضل التوكل روي عن الرسول صلى الله عليه وسلم ايضا قوله

( لو أنكم تتوكلون على الله حق توكله لرزقكم كما يرزق الطير، تغدو خماصاً، وتروح بطاناً ).

ومعنى " خماصاً " أي فارغة البطون.

وايضا روي عن الرسول صلى الله عليه وسلم انه قال

( من قال - يعنى إذا خرج من بيته - بسم الله. توكلت على الله. ولا حول ولا قوة إلا بالله،

يقال له: هُديت ووُقيت وكُفيت. فيقول الشيطان لشيطان آخر: كيف لك برجل قد هُدي وكُفي ووُقي)

ربنا عليك توكلنا واليك انبنا واليك المصير

قصة اصحاب الكهف

((لَقَدْ أَنزَلْنَا إِلَيْكُمْ كِتَابًا فِيهِ ذِكْرُكُمْ أَفَلَا تَعْقِلُونَ))

يارب.............من لنا سواك

ضاع العمر بين حطام الكلمات

وحينا خلف شاشات والات

ضاع العمر والعمر لحظة

كيف اعود وقد غطتني الظلمات

ضاع العمر حين نسيت انني احيا

حين ظننت موتي كان مع النكبات

ضاع العمر حين اضعته

حين ظننت خيره البسمات

يارب وان عظمت ذنوبي

رب وان كثرت عيوبي

اعلم ربي انني خطاء

واعلم انك ارحم الرحماء

فاغفر لعبد جاء يرجوك

وارحم ضعيف ليس له سواك

تصميم رائع......يا مشاكل

الاستيل الراااااااائع جدا دا

تصميم المبتكر والعبقري والصحفي الشاطر اوي

محمد خالد

ميرسي يا محمد (:

نردهالك في الافراح ان شاء الله (:

غاوي نكد

احنا شعب غاوي نكد نزعل نعيط

يموت شهيد نجيب ولد بردو نعيط

احنا شعب مدمن احباط ويأس وعجز حتى اما بنضحك

بنخاف من اللحظة الجاية بعد الضحكة واما بنحب بنخاف من مصير الحب

واما بنغني للحب بنقول ياعالم بكرة يا حبيبي مخبلنا ايه
احنا ليه كدا غاوين نكد نبكي على الراح رغم انه مش جاي

نخاف من بكرة رغم ان ممكن منعيشوش
مش بنعرف نستمتع باللحظة ولا نضحك ضحكة صافيةغير اما تنزل معاها دموع
مش عارفة بتهيألي الحكومة بردو ليها دخل في الموضوع
يعني زمان اما كانوا بيجيبو ولد كانوا يزغرطوا ويفرحوا

دلوقتي الولد دا مستقبله ايه!

نجح في الابتداءية نفرح ونزغرط وبعدين نقلق

هوا العلام لزمته ايه؟

وبعدين يدخل اعدادي وثانوي يجيب مجموع كبير والفرحة تملا قلوبنا

وعلى طول نرجع للقلق

طيب هيدخل كلية ايه واني كلية ليها مستقبل

وبعد اما يتخرج يقعد على القهوة

ونكتشف ان لا الولد فارق عن البنت

ولا العلم فارق عن الجهل

ولا في فرق بين كليات القمة وكليات القاع
ولا اي حاجة ليها لازمة اللي بيفرق بس الفلوس

معاك قرش تسوى قرش معاك قرش تقدر تشتري دماغك وراحة بالك واكلك وتطمن على عيالك

وبما ان الشعب المصري 99% مش اغنية ومليون واحد تحت خط الفقر

لازم يبقى شعب نكدي ابكو اضحكو اخبطوا راسكو في الحيط

يبقى الحال كما هو عليه وعلى المتضرر اللجوء لله بالشكوى

لانه لا حاكم نشكو له

الجو لطيف والامن مستتب

مدينتي دي المفروض لشباب المستقبل يا جماعة اللي هما احنا (:

دا بيتنا في المستقبل القريب باذن الله

مدينة اليكس ويست (:

دا بقى احمد عز اللي بيبني لينا كل الحاجات دي (:

للاسف ملقيتش صورة لمدام فشخرة منظر اللي بوظت الاقتصاد القومي

واللي بتهدر ثروات مصر واللي ما شاء الله يعني لاقية اصلا تجيب الاكل دا كله عشان ترميه

اما الاخبار
يا جماعة المصابين في كارثة الدويقة 17 انتو بتجيبو الارقام دي منين

وبعدين الصراحة الناس هيا اللي غلطانة الست سوزي جابتلهم شقق بدل البيوت اللي كانوا عايشين فيها

بس هما مش وش نعمة يغوروا في داهية بقى احنا مالنا

المهم انا احب اهديلي واهدلكوا القصيدة دي اللي معرفش بتاعة مين :D

عزيزى المواطن بتاع النضال

ياراكب دماغك وغاوى الحلال

نصيحة ياصاحبى بلاش الخيال

وغمض عيونك وربّي العيال

بلاش المناكفة ولايم وعيش

هتتعب معانا وسهمك يطيش

نلفق للاهلك قضية حشيش

وتصبح حكاية و نكتة ومثال

تعالى وهاودنا وعدّي الامور

و عيش فى الطراوة و خش الطابور

لكن لو هتزعل ودمك يفور

هنشهد نهايتك في بحر الرمال

هتصبح حرامى هتصبح امير

هتصبح حرامى و ندل و اجير

ونقدر نلخبط فى اصلك كتيير

وجدك شحاتة هيصبح شحال

هنحلف ان الحبايب شافوك

بتقبض ياخاين و تقتل اخوك

ساعتها مراتك هتلعن ابوك

و تلطم وتنعى احط الرجال

مالكش انت دعوة بايه اللي ضاع

ومين اللى شارى ومين اللي باع

ومين اللى كيّل ومين اللي شال

فحب الحكومة وحب السلام

وعلم ولادك يشدوا الحزام

علشان بكرة هياكلو حمام

وينسوا الاسية و ينسوا الهزال

فلازم ياصاحبي تغمض عنيك

وطنّش علينا نطنش عليك

و اياك تشاور نقطع ايديك

وتصبح مواطن ما يسواش ريال

عزيزى المواطن بتاع النضال

يا راكب دماغك و غاوي الحلال

نصيحة يا صاحبي بلاش الخيال

يا مصر؟؟

تكملة لموضوع الغم اللى بيعيشوا فيه الشباب الللا اتكلمت عنه رنا عايزة اتكلم عن الحزن والهم اللى بيحصلى لما اشوف برنامج( الدين والحياة) فقرة المساعدات الانسانية فعلا والله حالالت تقطع القلب و محتاجين حقيقى لاى مساعدة مهما كانت مثلا حالة البنتين توام عندهم نقص حاد فى التمثيل الغذائى ومحتاجين لدواء تكلفته فوق 7000 جنيه فى الشهر مدى الحياة وطبعا احنا عارفين مرتب المواطن المصرى يكفى ويفيض وبدون الدواء يكونوا عاملين زى التماثيل بدون حرك وطبعا الاب ليس بيده حيلة . فالسؤال الان فيييييييييييييين دور وزارة الصحة فى مساندة الناس دى ولا مش شاطرين غير فى الكلام وبس من توفير علاج بالمجان واجهزة طبيه والخ...؟؟
يا مصر الناس اللى محتاجين لعطفك كتره اوى... يا مصر ارحمى اولادك ... يا مصر لبى نداء ولادك المحتاجين وخليكى حنينة زى ماكونتى عشان نقدر نقول ان مصر هى امى..........

اضحكوا .....اتريقوا ......ذلك فيه الشفاء

ربما يكون ذلك هو الحل او الشفاء لكل ما يحيط بنا من ازمات وكوارث ومشكلات.
"الضحك"هو دواء لكل داء,يشف النفس العليلة المريضة.
هذا هو الملخص والناتج التى استخلصته من مسلسل"هيمة"للكاتب بلال فضل.
فالضحك والسخرية لهيمة هو علاجه السحرى لما يقع فيه من مشاكل او قل تخفيف لحدة تلك المشاكل.
فبدلا من الدخول فى حالة اكتئاب والمعاناة منها وهذا ابسط مرض
يمكن ان تصاب به فى ظل مايحيطنا من مشكلات,يسخر هيمة من كل شئ واى شئ.
وهذا ينقلنا الى نقطة مهمة هى ان "هيمة "بطل المسلسل يمثل حال شباب كثيرين فى هذه البلد.
المبتلون بنفس المصائب والنكبات,فهل يكون الحل فى الضحك والسخرية.
المشكلة الان هى كيف انتزاع الحزن البادى على وجوههم المتمركز فى قلوبهموعيونهم التى ترثى
الحال الذى وصلوا اليه.
كيف ينقلب ذلك كله الى بسمة على وجوههم حتى لو كانت"تريقة"
ربما يكون هيمة من ذلك الشباب المولود اصلا بزيادة فى جينات الضحك ,
فاصبح من الطبيعى ان يسخر مما حوله وحتى وهو فى احلك الظروف.
هنا تكمن مشكلة اخرى جينات الضحك قليلة عند بعض الشباب ونادرة او غير موجودة
اصلا عند الاخر.
فكيف الوصول الى تلك البسمة التى لن تكون حلا جذريا لمشكله وانما تخفيف لهم.
عموما استخراج البسمة لتطفح على وجوههم اسهل الف مرة من حل مشكلة كالبطالة.
مشاكل كثيرة تعترض مستقبلنا وهيمة وبلال فضل يقولون ان الدواء والشفاء للعلة فى قلوبنا
هى"التريقة".

مسحراتى ......بصاجات ......تصدقوا.

مش عارفة هل هى ظاهرة طبيعية ام شئ خارق للعادة .

بالنسبة لى ده شئ غريب وعجيب مسحراتى بصاجات طب ازاى؟؟؟؟؟؟

لحد دلوقت انا مش عارفة استوعبها ان السنة دى المسحراتى بصاجات

مش بطبلة زى ماحنا متعودين كل سنة

على فكرة انا مشوفتش شكله لحد دلوقت بس سمعت عنه.

ومش عارفة اول مااشوفه هيحصل ايه

هل ساغرق فى نوبة من الضحك ام العن ذلك الزمن الذى نحياه.

المهم انه لما سمعت عن هذه الظاهرة فغرت فاهى _اه والله_وبحلقت كدة

ازاى مسحراتى بصاجات وحوالين وسطه حاجات بتشخلل.

صدقونى انا مش عارفة لحد دلوقت هل الموضوع يستاهل انى اكتب عنه ولا لا

انا قولت تشاركونى الحيرة والدهشة الى انا فيها.

عايزة اعرف حاجة هل الظاهرة دى استشرت ولا ممكن تتوئد _من الوأد يعنى ال ابولهب هو_

يلا اهى حاجة عجيبة من زمن العجايب الى احنا فيه هتيجى عل مسحراتى يعنى.

يلا خير

رمضان كريم

دفعة 2011 اجمع (:

السلام عليكم يا عباد الله

المدونة دي لدفعة 2011 زي ما قلنا

واللي يحب يشارك فيها يكلمني على الايميل الموجود على اليمين دا

واللي يحب ينزل فيها موضوعاته او افكاره او اي حاجة تانية بردو

بردو على الايميل دا

تمام ؟

كل سنة وانتو طيبين يا اعلاميي الغد

احبب صديقك هونا ما

لفت انتباهي اوي كلام لمصطفى محمود بيوصف فيه الانسان

الكلام بليغ اوي وجميل اوي وواقعي اوي بردو

"الانسان

لاتنظر الى مايرتسم على الوجوة ولاتستمع الى ما تقوله الالسن ولا تلتفت الى الدموع فكل هذا هو جلد الانسان و الانسان يغير جلده كل يوم ولكن ابحث عما تحت الجلد .. لا ليس القلب ما اعنى. فالقلب هو الاخر يتقلب ولهذا يسمونه قلبا ... و لا العقل فالعقل يغير وجهة نظره كلما غير الزاوية التى ينظر منها . وقد يقبل اليوم ما انكره بالامس .انظر الى الانسان حينما يرتفع عنه الخوف وينام الحذر و يشبع الشهوة و تسقط الموانع فتراه على حقيقتهيمشى على اربع كحيوان او يطير بجناحين كملاك او يزحف كثعبان او يلدغ كعقرب او ياكل الطين كدود الارض."

واخدين بالكو من وقد يقبل اليوم ما انكره امس يعني الانسان متقلب الاحوال متغير المشاعر ممكن اوي ينسى مبادئ عشان شايف ان مصلحته مش فيه
لكن بيبقى اصل الانسان زي ما هو يعني لو الظروف سمحت له انه يرجع للماضي النقي بتاعه ممكن اوي يرجع

لان اصله كان طيب كالملائكة
اوحد يفضل متبني مبدأ ويتخلى عنه عشان اصله خبيث

كدود الارض
عشان كدا في مسيرة حياتنا بنتصدم في اشخاص كتير كلنا بنتصدم وكلنا بنتألم من الصدمة وخصوصا اما تبقى في مبدأ بس عايزة اقول جملة كان بيقولها الشيخ عمر عبد الكافي

"احبب صديقك هونا ما عسى ان يكون عدوك يوما وابغض عدوك هونا ما عسى ان يكون صديقك يوما ما "

مستشفى سرطان الاطفال

مش عارفة كل ما شوف الاعلان دة بحس بحزن-خوف وشفقة و اسى و فى نفس الوقت بشكر ربنا على نعمة الصحة اللى انعمها عاليا.
مش عارفة ازاى بتكون الابتسامة كبيرة فى وجوهم و هما جواهم كل الالم دة سبحان الله على القوة و القدرة اللى جواهم على مواصلة الحياة و الاحساس والشعور بيها.
بجد الاطفال دول هما اللى محتاجين مساعدتنا كلنا عشان تمسكهم بالحياه دة يستمر وايمانهم ميضعفش و احساسهم بان الحوليهم معاهم وبيسندوهم ويقدروا يتغلبوا على المرض اللعين ده.
و يا ريت (مصرنا الحبيبة)تساهم فى علاج الاطفال دى اكتر بدل ما نسمع عن فلان اتعالج على نفقة الدولة و هو مش محتاج اصلا و الاطفال دول هما اللى محتاجين اكتر.
ولايبقى الا ان ندعو الله فى هذه الايام المباركة ان يثبتهم و يقويهم و على مواجهة ابتلاؤهم و حمد الله وشكره على نعمة الصحة فهى من اعطم النعم على الانسان..

اعمل حاجة لربنا

مش عارفة اليومين دول قاعدة بحكيلكم على بحس بيه

بس فعلا اليومين دول بحس بحاجات يمكن فى ايام تانية واوقات تانية مكنتش هحس بيها اوى كدة.

انك تسعد انسان ولو بكلمة ,انك تحس اسعادة على وشه وانك قدرت تعمل حاجة لو بسيطة

انك تكون سبب فى ابتسامة على وجه اخيك واو دعوة جميلة منه ومن قلبه .

اظن دى حاجة كلنا نفسنا نعملها حتى ولو هنتعب فيها انك تدخل على قلب مؤمن السعادة دى حاجة جميلة جدا

انا فعلا اول مرة احس الاحساس ده اوى اليومين دول.

بدعى ربنا انى افضل اقدر اساعد الناس ولو بحاجة بسيطة يمكن تتكتبلنا فى ميزان حسناتنا.

يارب اجعلنا سبب نسعد بيه ولو انسان واحد.

امين

سؤال؟؟؟؟؟

سؤال محير الكثير وكان محيرنى
( لماذا ترتكب بعض المعاصى فى رمضان مع ان الشياطين مقيدة؟؟)

فقد قال بعض مفسرى الاحاديث ان تقييد الشياطين معناها عدم تسليطها على الصائمين صوما صحيحا كاملا، مراعى فيه كل اداب الصيام من غض البصر وعفة اللسان استجابة لقول الرسول(ص)(من لم يدع قول الزور و العمل به فليس ييه حاجة فى ان يدع طعامه وشرابه) .
وهناك من المفسرين يرون ان الشياطين الجبابرة والمردة هى المصفدة و اما غيرهم فلا يقيدون ولذا ترتكب بعض الناس المعاصى.
ولكن اقوى الاراء فى نظرى هى ما قاله بعض العلماء بان هناك بواعث اخرى لارتكاب المعاصى اذا كانت الشياطين مصفدة و هى النفس الامارة بالسوء وهى كافية لارتكاب المعاصى وهى ايضا من الدوافع القبيحة الموجودة فى كل وقت لذا احذروا ايها المسلمون الصائمون وتقربوا الى الله اكثر حتى يكون صيامنا صحيحا كاملا مقبولا باذن الله..........

بعض احكام وفتاوى الصيام....

بما ان امال ورنا اتكلموا عن السحور والفطار حبيت اجيب احكام و فتاوى الصيام.......

بعض الاحكام والفتاوى:
* المريض الذى لا يقدر على الصوم له ان يفطر ويقضى ما فاته بعد شفاؤه وكذلك من لا يطيق الصيام ويخشى على نفسه من الضرر او الهلاك.
*من ارتكب المعاصى وهو صائم فقد حرم من اجر الصيام ، فالمعاصى ان لم تبطل الصيام الا انها تذهب اجره و تضيع ثوابه وليس له من صسامه الا الجوع والعطش.
*من تعمد الفطر فى رمضان فاثمه عظيم و عليه التوبه و القضاء و لا يمكن ان يعوض يوم من رمضان بيوم اخر فى الفضل و الكيفية.
*كثرة النوم: الصيام صحيح ،ولكن استمرار الصائم غالب النهار نائما تفريط منه لاثيما وشهر رمضان زمن شريف ينبغى ان يستفيد منه المسلم فيما ينفعه من كثرة قراءة القرءان وطلب العلم.
*حكم بقايا الطعام واستخدام معجون الاسنان: اذا طلع الفجر عليه اخراج بقايا الطعام من فمه فلا يجوز بلعها واذا وصلت للحلق رغما عنه فليس عليه شئ اما بالنسبة لمعجون الاسنان فانه لا يخلو من حالتين احدهما : ان يكون قويا ينفذ الى المعدة ولا يستطيع الانسان ضبطه فهذا محظور عليه اما اذا استاع التحرر منه فلا جناح عليه.
** لابد من نية الصيام فى رمضان اول الشهر وان شاء فقبل كل يوم والنيه محلها القلب فان علم ان غدا من رمضان و اراد الصوم كفى و يدل ذلك على حال صاحبه.
**من السنة تعجيل الافطار فور اذان المغرب ، و يستحب ابتداء الفطر بتمرات و اذا اراد الصائم صلاة المغرب فعليه بالافطارعلى تمرات اولا ثم يستكمل طعامه.

تقبل الله منا ومنكم

قعدة فطار

بما انك يا رنا تكلمتي عن قعدة سحور قلت اتكلم انا عن قعدة الفطار

زمان ايامنا يعني بردو مش ايام حد تاني
مكنش فيه نت ولا دش ولا الحاجات دي ولا موبايلات ولا وجع دماغ
كان الواحد يقعد يفطر وسط اهله يتفرج على بوجي وطمطم ويشربوا الشاي
تكون الكاميرا الخفية جت ويلفوا على التلات قنوات اللي كانوا موجودين ساعتها
وبعدين يقفلوا التلفزيون ويقعدوا سوا
دلوقتي بوجي وطمطم بقى فيه منه عشرة والقنوات بدل التلاتة تلتومية
والناس بدل اما تقعد مع بعضها تسأل على بعضها يحكوا ويفكروا ويتناقشوا بقوا يبحلقوا في التلفزيون لحد السحور يتسحروا ويناموا ويصحوا تاني يوم بفس الطريقة
بقينا اليين اوي
ندوس على زرار عشان فيلم وندوس على زرار نكلم مش عارفة مين
بقينا خطوط
اتصالات على فضائيات
بقينا بنسمع اكتر ما بنتنفس ونشوف اكتر ما بنحس
بقينا الات استقبال لاشارات التلفزيون والدش
بقينا الات كتابية على النت والشات
حتى الفوانيس مبقتش فوانيس بقى في حاجة اسمها الفانوس التكتك

انا نفسي في فطار من غير دش وتلفزيون ولا نت وموبايل ولا فانوس تكتك
نفسي في فطار زي زمان وفانوس شمع كمان
احلى حاجة في الفانوس ايه ؟ انك تتلسع منه كدا وتشم ريحة الشمعة
احلى حاجة في رمضان ايه ؟انك تقرب من ربنا
احلى حاجة في الفطار ايه؟
والله مش اللحمة
اللمة يا جدعان

قعدة سحور

فضلت افكر وقت طويل اكتب ايه عن رمضان وفى اول ليلة من لياليه
حسيت فى الليلة دى بمشاعر حلوة اوى مابين لمة العيلة وسماع صلاة التراويح
ورؤية فوانيس رمضان
غير طبعا صوت الصواريخ وبرغم صوته الا انه كان دليل على رمضان وجماله
ومنظر الاطفال فى الشارع وهما فرحانين بالصواريخ ولا شكلهم وهما بيركبوا فوانيس رمضان
بتحس بحالة الواحد بيستناها من السنة لسنة
عموما انا ملقيتش النهاردة اننا نبدا المدونة الا بالكتابة عن الليلة دى بالذات اول ليلة فى رمضان
بداية شهر من احلى الشهور وروحانيات الواحد بيحسها اوى فى الشهر ده
الادان والصلاة ليهم طعم تانى .
الابتسامة مفرقتنيش طول الليلة دى والله وانا واقفة فى البلكونة وشايفة نور الجوامع من حواليا
كانى حييت من جديد.
انك تحس انك بتعمل الى معملتوش طول السنة وبتعمله بحب واخلاص سواء ذكر الله او دعاء او صلاة او قراءة القران
وياسلام لما بسمع اغانى رمضان واغنيها حالة تانية .
وانك تحس انى مفيش حد هينام الليلة دى كل صاحى ومستنى وقت السحور وبعدها صلاة الفجر
وانك تحس انه كل متجمع من وقت طويل سواء فى الفطار او فى السحور وانك تنزل تصلى الفجر
اما عن السحور فده طقس خاص جدا وجميل اوى
لما يتلم كل البيت قعدة واحدة وفى وقت واحد وعلى مائدة وواحدة
ده غير صوت المسحراتى الجميل لما يقول
"اصحى يا نايم وحد الدايم رمضان كريم"
الله اكرم وكل سنة وانتوا طيبين
حقيقى كل حاجة النهاردة "غير" وياريتنا نفضل متجمعين كدة على طول
امين

جروب 2011

السلام عليكم ورحمة الله وبركاته

احنا هنا هنعمل حاجة كويسة باذن الله تفيدنا كلنا

مع بداية الدراسة هنلاقي المحاضرات اول باول موجودة

ومتابعة للندوات والمؤتمرات اللي بتعقدها الكلية

وكل اخبار دفعة 2011 واخبار الامتحانات والنتايج

واقلام دفعة 2011 بردو

وفي رمضان باذن الله برنامج خاص

استنونا

وكل سنة وانتو طيبين